Dakpan sa mga kapolisan sa Manukan ug Provincial Intelligence Unit ang usa ka lalaki nga nagbaligya sa ginadiling druga sa gipahigayong drug buybust operation Enero 28,2025,ang pagsikop didto mismo sikbit ra usab sa iyang panimalay sa Sitio Patunan, Manukan Zamboanga del Norte.
Ang suspetsadong si alyas Roney hamtong ang pangidaron ug lumolupyo ra usab sa nasampit nga dapit.
Nasakmit sa iyang posisyon ang 500 ka pesos isip buy-bust money, samtang adunay usa ka pakete nga napalit sa poseur buyer nga adunay sulod sa gituhuang shabu.
Dugang pa adunay nakuha usab sa iyang posisyon ang daghanang kwarta nga adunay managlahing denominasyon sa iyang pitaka,diin matud pa gituuhang kining halin nga mo balor ug 9,000 ka pesos ug ingon man aduna usab mga dolyares nga kwarta.
Sa pagkakaron ang dinakpan ang anaa na sa Manukan PNP ug mag atubang sa kasong paglapas sa RA 9165 kun comprehensive dangerous drug act of 2002.(ANGELICA T. OBINA)