Malampusong gipahigayon ang Community Service sa grupong Akhro, Delta Alpha Chapter sa Barangay Dansullan alang na sa pagpangandam sa Kapistahan kang Patron Sta. Cruz sa Sitio Sicot, Brgy. Dansullan, Polanco Zamboanga del Norte.
Kini gipanguluhan sa Presidente sa maong Kapilya sa simbahan, Teofila Alaman inabagan sa grupong Grand Skeptron kun AKHRO sa maong Barangay nga gipanguluhan usab ni Val Valencia presidente sa maong grupo kauban ang iyang Bise Presidente nga si Arnel Adaro og sa uban pang mga opisyales ug myembro sa maong grupo.
Ang maong kalihukan gilangkuban ug gitambungan sa 20 ka myembro nga mga akhro diin sila naghimo ug mga flaglets sa mga kadalanan ug para usab sa dekorasyon para sa simbahan ug nanglimpyo sila sa palibot sa kapilya alang na sa pagpangandam ug pagsaulog sa Kapistahan kang Patron Sta. Cruz sa nahisgutang Barangay.
Matud pa ni Arnel ang Bise Presidente sa maong grupo nga, Kina-sing kasing ang iyang pagpasalamat sa tanang Akrho, delta alpha chapter nga nitungha gayud sa gipahigayon nga community service sa Sitio Sicot alang na sa pagpangandam sa maong kapistahan, dugang pa niya nga isa kini ka pamaagi aron mapakita nato ang atong kalig-on sa pagtinabangay, paghinigugmaay dili lamang sa atong grupo kundili sa atong lugar nga gipuy an, daghang salamat, matud pa niya. (Erlie Grace S. Agapay-DXKD OJT)