Gipahigayon sa personnel sa Zamboanga del Norte 1st Provincial Mobile Force Company, 2nd ug 3rd Platoon, ang school visitation sa duha ka eskwelahan niadtong September 4, 2026 isip kabahin sa ilang padayong community engagement ug public service.
gibisita sa mga personnel ang Colegio de San Francisco Javier sa Barangay Poblacion, Rizal, ug Central Elementary School sa Barangay Poblacion, Sergio Osmeña. Nakig-dialogue usab sila sa school administrators ug mga estudyante ug nanghatag og informational flyers nga nagpalambo sa safety awareness, disiplina, ug responsableng pagkamamamayan.
gipasiugda atol sa kalihokan ang kamahinungdanon sa lig-on nga panag-uban tali sa Philippine National Police ug sa school community aron mapadayon ang luwas, malinawon, ug maayong learning environment alang sa mga estudyante.
pinaagi sa maong pagbisita, gipasiugda sa 1st Provincial Mobile Force Company ang mga mithi sa patriotism, disiplina, panaghiusa, ug community partnership isip kabahin sa padayong pagserbisyo ug pagpanalipod sa mga eskwelahan ug komunidad.(JENIFFER JR. DELICA)
Source: PNP Zamboanga del Norte 1st Provincial Mobile Force Company