Mitubag dayon ang Emergency Medical Responder sa BFP Dipolog City Fire Station sa usa ka vehicular accident sa Barangay Punta, Dipolog City, Zamboanga del Norte niadtong nilabay nga adlaw, ubos sa pagpangulo ni FSINSP Aprilyn B. Barbaso, Acting City Fire Marshal.
pag-abot sa lugar, gisiguro una sa Shift A EMS personnel ang kaluwasan sa scene ug gisusi ang kahimtang sa pasyente. Nakaplagan ang pasyente nga naglingkod sa kilid sa dalan, conscious ug responsive, ug adunay mga abrasion sa wala nga bukton ug tuo nga siko.
gihatagan dayon og first aid ang pasyente, diin gilimpyohan ug gitabonan og hustong dressing ang mga samad aron malikayan ang impeksyon ug kontaminasyon. Padayon usab nga gi-monitor ang iyang kahimtang samtang giandam ang pagdala kaniya sa ospital.
gidala ang pasyente sakay sa BFP Ambulance ngadto sa Corazon Hospital sa Dipolog City alang sa dugang nga medical evaluation ug pag-atiman.(JENIFFER JR. DELICA)
Source: BFP R9 Dipolog City Fire Station