Gitambongan ni Commander Coast Guard Station (CGS) Zamboanga del Norte, LTJG Sonny Philip E. Habal, ang Port Management Advisory Council (PMAC) ug Port Security Advisory Council (PSAC) miting nga gipahigayon kaniadtong Nobyembre 13, 2025.
Atol sa tigum, gipasabot ni LTJG Habal ang mandato sa Philippine Coast Guard (PCG) ilabi na ang kalabutan niini sa operasyon sa Philippine Ports Authority (PPA). Gituki sa opisyal ang padayon nga paningkamot sa PCG sa pagpatuman sa maritime safety, pagpalig-on sa seguridad sa mga pantalan, ug pagpanalipod sa kadagatan sulod sa mga teritoryong ginadumala sa PPA.
Ang maong aktibidad misangkap sa lig-on nga panagtambayayong tali sa PCG, PPA, ug uban pang kaabag nga ahensya sa sektor sa pantalan. Gituohan nga pinaagi niini, mas mapaayo pa ang kahimtang sa maritime safety, mas mapasayon ang operasyon sa mga pantalan, ug masiguro ang hapsay ug luwas nga paglihok sa maritime environment sa tibuok Zamboanga del Norte.(IKEN B. GULLEM)
Source: Coast Guard Station Zamboanga del Norte