Giturn-over sa dakbayan sa Dipolog ang upat ka natapus nga imprastraktura sa Barangay Gulayon niadtong Disyembre 3, 2025, ubos sa pagpanguna ni City Mayor Roberto Y. Uy, uban nila Punong Barangay Mary Jane Cuenca ug ang lokal nga barangay council.
Gilangkuban kini sa road concreting sa Purok Vanda, Purok Sampaguita, ug Purok Orchid, lakip ang rehabilitasyon sa covered court sa barangay. Gilauman nga makatabang ang mga proyekto sa mas sayon nga biyahe, mas luwas nga dalan, ug mas maayong gamitong pasilidad para sa mga residente.
Nagpabiling lig-on ang suporta sa dakbayan sa pagpalambo sa mga barangay pinaagi sa klaro ug makita nga mga proyekto alang sa mas maayo nga serbisyo publiko.(JENIFFER JR. DELICA)
Source: Dipolog City Government