27.8 C
Manila
Thursday, April 18, 2024

Dipolog City Barbeque Vendors Association Nakaangkon Sa Moderno Ug Bag-O Nga Barbeque Stalls Gikan Sa Dost Ug Kagamhanang Lokal Sa Dipolog

- Advertisement -

Mipaabot sa ilang dakong pagpasalamat ngadto sa Department of Science and Technology (DOST) ug sa kagamhanang lokal sa Dipolog sa administrasyon ni Mayor Darel Dexter Uy ang Dipolog City Barbeque Vendors Association kinsa resipiente sa proyektong Rebranding the Operation of Dipolog City Boulevard Barbeque Vendors and Operators, the DOST way.

Kini ang mensahe ni Ms. Carmela Cordova, ang Presidente sa maong asosasyon ug nagkanayon nga dili matukib ang kalipay nga ilang gibati ug nakaangkon sa 15 ka modernong barbeque stalls uban sa grilling and dishwashing stations ug food safety training nga nagkantidad ug ₱ 1,424,850.00.

Gidayeg ni Cordova ang DOST ug ang kagamhanang lokal sa Dipolog kinsa nagpakabana kanila.

Si Mayor Uy sa iyang mensahe nga kung adunay kooperasyon ug panaghiusa dali rang molambo ang usa ka lugar.

Gipahibalo sa batan-ong mayor nga adunay laraw ang syudad nga -e-develop ang maong dapit pinaagi na sa pagtukod ug building aron dili na sila magbuklad-hipos sa ilang mga trapal ug aron mas samut dugukon sa mga dumuduong.

Gidasig usab niya ang maong grupo nga mapalapad sa ilang negosyo ngadto sa talipapa sa kabarangayan aron mas mokita pa sila.

Giawhag usab ni Mayor Uy ang maong grupo nga dili kalimtan ang pagpasalamat sa Labaw’ng Makakagahum.

Gipasalamatan ni Mayor Uy ang kadagkuan sa DOST sa maong proyekto, diin kanunay silang nagtambayayong alang sa kalambuan ug kapanginabuhian sa taga Dipolog.

Nasayran nga giabaga sa kagamhanang lokal sa Dipolog ang washing facilities alang sa mga customer sa kantidad nga ₱ 500,000.00.

Si Former Mayor Evelyn Uy kinsa nag-representar ni Governor Roberto Uy sa iyang mensahe ang nag-awhag sa barbeque vendors association nga ampingan ang maong proyekto nga gihatag sa DOST.

Kini tipik na unya sa kalambuan aron makab-ot sa Dipolog ang Swigapore 2030.

Dugang sa kanhi mayor sa Dipolog nga bulahan ang maong asosasyon nga nakaangkon sa maong proyekto.

Adunay maanindot nga lugar sa maong negosyo sanglit presko ang hangin ug Makita ang salup sa adlaw.

Gipasalamatan usab sa kanhi mayor ang DOST sa walay puas nga pagpakigtambayayong alang sa kalambuan sa syudad.

Si Regional Director Martin Wee, sa DOST IX sa iyang mensahe nga sa maong proyekto, hapsay ug limpyo ang makita sa mga dumuduong.

Gipaklaro ni Mr. Wee nga importante ang hustong sanitasyo sa pagkaon aron dili matapdan ug sakit.

Nagpasalamat usab si Mr. Wee ngadto ni Mayor Darel Dexter Uy, Governor Roberto Uy ug ni Former Mayor Evelyn Uy.

Ang maong kalihukan tipik kini sa pagsaulog sa 2020 National Science and Technology Week sa Nobyembre 23-29 nga nagdala sa tema “Agham at Teknolohiya Sandigan ng Kalusugan, Kabuhayan, Kaayusan at Kinabukasan”. (PIC-mbmontederamos)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -