Gipalig-on ang kahanduman sa komunidad sa Brgy. Cawa-Cawa, Dapitan City pinaagi sa ikaduhang adlaw sa CFAG workshop ug training nga gipahigayon niadtong Abril 28, 2026.
Gipangunahan sa Dapitan City Fire Station ubos ni FSINSP Rommel M. Rojas ang maong kalihokan uban sa aktibong partisipasyon sa mga miyembro sa Community Fire Auxiliary Group.
Kabahin kini sa Oplan Ligtas na Pamayanan nga nagtumong sa pagpalambo sa community-based disaster preparedness ug response subay sa mga polisiya sa disaster risk reduction and management.
Sa maong training, gipakita sa mga partisipante ang hustong koordinasyon, disiplina ug dali nga pagresponde, nga nagpakita sa ilang kahanduman isip katuwang sa kaluwasan sa komunidad.(JENIFFER JR. DELICA)
Source: BFP R9 Dapitan City Fire Station