Nakapahimulos ang 525 ka pamilya sa Barangay Larayan, Dapitan City sa Benteng Bigas o ₱20 Rice Program nga gipahigayon aron makatabang sa mga residente sa pagpalit og mas barato nga bugas.
Gipangunahan sa City Government of Dapitan ang organisado nga distribusyon diin nakapalit ang mga benepisyaryo og bugas sa presyong mas ubos kumpara sa kasamtangang presyo sa merkado.
Sumala sa lokal nga panggamhanan, tumong sa programa nga mamenosan ang adlaw-adlaw nga gastohan sa mga pamilya ug mapalig-on ang food security sa komunidad.
Pinaagi niini, adunay dugang kahigayonan ang mga panimalay nga magamit ang ilang natipid sa ubang importanteng panginahanglan samtang padayon ang gobyerno sa paghatag og direktang serbisyo sa katawhan.(JENIFFER JR. DELICA)
Source: City Government of Dapitan