Malampusong napahigayon ang usa ka Ceremonial Blessing alang sa Mobile Clinic ug Sea Ambulance, didto sa City Government Center sa Dapitan Zamboanga del Norte, niadtong Oktubre 30, 2024.
Ang maong kalihokan gipangunahan sa Mayor sa Dapitan nga si Mayor Seth “Bullet” Frederick P. Jalosjos, ug diin ang seremonyal gidumala ni Rev. Fr. John Warren Maratas,ug gisaksihan sa pipila ka mga opisyales sa Department of Health,nga gilangkuban nila ni DOH Regional Director Dr. Joshua G. Brillantes; DOH RO IX Asst. Regional Director Dr. Lenny Joy Johnson-Rivera; City Health Officer II Dr. Mary Ann E. Cataluña, CHO Staff, Liga ng mga Barangay President Hon. Sushmita R. Jalosjos, mga sakop sa Sangguniang Panlungsod ug sa mga Department Head.
Mainiton usab kining gitambungan ni Department of Health (DOH) Secretary Dr. Teodoro J. Herbosa, nga mihatag sa maong mga modernong pasilidad sa medisina ug mihisgot nga ang maong proyekto epektibo pinaagi ni Mayor Bullet diin nagtanyag sa kaayohan sa panglawas ug pag atiman.
Si Mayor Jalosjos nagtataw sa kahimsog ug kaluwasan pinaagi sa state of the art Mobile Clinic Truck alang sa mga ipahigayon nga medical outreach programs, ug usa ka Sea Ambulance nga gamiton sa pagdala sa mga pasyente ilabi na sa mga gikan sa duha ka isla nga barangay sa Dapitan. (Medalyn U. Borja)
(Source: City Government of Dapitan)