Nagpahigayon ang Department of Environment and Natural Resources (DENR) pinaagi sa CENRO Piñan ug Environmental Mini Forum sa Aliguay Island Protected Landscape and Seascape (AIPLS), ubos sa temang “Ali na bai sa Aliguay.”
Mitambong ang 49 ka partisipante gikan sa mga tenured migrants, LGU, academe, youth groups, ug partner agencies aron lig-onon ang kooperasyon sa biodiversity conservation ug sustainable resource management.
Gipasiugda ni PENR Officer ug OIC-CENR Officer Cidur S. Julsadjiri ang importansya sa panaghiusa sa pagpanalipod sa isla, samtang si Forester II David J. Manjaal, PASu sa AIPLS, mipasabot sa ekolohikal nga bili sa Aliguay ug ang padayon nga mga konserbasyon nga kalihokan niini.
Gihatagan usab ug higayon ang mga eksperto gikan sa nagkadaiyang ahensya sa gobyerno aron hisgutan ang environmental compliance, marine enforcement, solid waste management, ug responsableng pagpangisda.
Ang kalihokan nagpamatuod sa lig-on nga partnership tali sa DENR ug komunidad sa Aliguay, nga nagtinguha nga mapadayon ang katahum ug kayutaan sa isla alang sa masunod nga henerasyon.(IKEN B. GULLEM)
Source: DENR Zamboanga Peninsula