Si DENR IX OIC-Regional Director Arturo E. Fadriquela maoy nagdumala sa ceremonial turnover sa nakumpiska nga Fuso Canter Truck gikan sa CENRO Liloy paingon sa PENRO Zamboanga del Norte niadtong Disyembre 21 didto sa ZDN PENR Office ning dakbayan sa Dipolog.
Matud pa ni RED Fadriquela nga kining dugang nga mga ekipo makapauswag sa kapabilidad sa pagpatuman sa balaod sa kinaiyahan sa probinsiya ingon man sa uban pang katuyoan.
Ang PENRO ZDN Cidur S. Julsadjiri miingon nga ang trak adunay importante nga papel sa Monitoring and Enforcement Section, lakip ang episyente nga transportasyon sa mga seedling ug ang kinatibuk-ang kalampusan sa mga paningkamot sa Departamento ilabi na sa mga programa sa konserbasyon sa kinaiyahan.
Kahinumduman nga ang nasangpit nga trak gimando nga ipa-impound ug sunodsunod nga giimbargo pabor sa gobyerno isip accessory nga nakalapas sa PD 705 nga gi-amendar.
Ang mga opisyal sa CENRO Liloy uban sa tabang sa PNP Gutalac mi-flag down sa Fuso Canter Truck nga gikargahan og Mayapis lumber sa Barangay Lux, Gutalac, Zamboanga del Norte nga walay gikinahanglang transport permit.
Nasikop kini ug human niini gihimo ang tanang administrative proceeding subay sa DAO 97-32, dayon usa ka kamandoan ang gipagawas sa RED nga nag-forfeit sa maong trak pabor sa gobyerno.
Sa laing bahin, ang Chief of Monitoring and Enforcement Section sa PENRO ZDN, DMO III Amancio C. Onga maoy nagdumala sa kustodiya ug safekeeping sa nakumpiska nga sakyanan ug gisiguro nga kini maayo nga giatiman.
Mitambong atol sa turnover ceremony mao sila CENR Officer-Piñan Adelaida R. Borja, CENR Officer-Liloy Dennis N. Catalan, Chief Administrative Officer Sarah I. Zayas, SVEMS Renerio M. Acama ug Chief of Monitoring and Enforcement Section Amancio C. Onga.
(Source: Department of Environment and Natural Resources – ZamPen)