Mapasigarbuhong gibutyag ni Corazon C. Aquino Hospital (CCAH) Supervising Administrative Officer, Mr. Larry R. Padilla nga subay sa gipahigayon nga “surprise inspection” sa mga kawani sa Department of Heath Region IX niadtong nakalabay’ng Mayo 18, 2023 sa ospital, nakita sa taga-DOH nga “fully-compliant” ang maong ospital ug nga wala’y mga “discrepancies” nga nakita niini.
Kini’ng maayong balita nasayran sigun sa eksklosibong pakig-hinabi ni Mr. Padilla kaniadtong Mayo 22, ning tuiga sa iyang buhatan.
ugang niini, ang maong “surprise inspection” sa DOH ginapahigayon matag tuig tali sa mga bulan sa Enero taman Septyembre gawas sa tuig 2020 diin “peak period” sa Covid-19 pandemic.
Ang nasangpit nga “inspection” gihimo nga pinakalit hinungdan nga gihingusgan ni Mr. Padilla ang panginahanglan sa pag-andam kung pananglit ang maong kalihokan mahitabo sa ilang ospital. Nasayran usab nga sugod pa sa tuig 2015 gina-“inspection” ang Corazon Aquino Hospital ug hangtod karon wala ni usa ka kalapasan ang nahimo sa ang maong ospital.
Matud pa ni Mr. Padilla, base sa nakuha nila nga mga mulo gikan sa DOH IX, gihatagan niya ang publiko og kasiguruhan nga ang CCAH naghatag sa labing maayo nga serbisyo sa natad sa “health care” nga pwedeng matanyag dinhi sa siyudad.
(Source: Dipolog City Government Facebook page)