Gipatuman kagahapon, Nobyembre 14, sa Plenary Hall sa Zamboanga del Norte Convention and Exhibition Center ang Buntis Congress 2025 nga mitutok sa tema nga “Empowering Mommy, Empowering Baby: A Step Closer to Achieving a Healthier Community.”
Gipangunahan sa City Health Office uban ang Child Fund Philippines ang tinuig nga kalihukan, diin mitambong ang mga opisyal sa dakbayan ug mga resource speaker aron hisgutan ang nutrisyon, maternal health, HIV awareness, ug ubang isyu nga may kalabutan sa kaluwasan sa mga mabdos. Apil usab sa programa ang pagpanghatag og tukmang impormasyon aron mapalig-on ang kampanya batok stigma ug misinformation.
Girespunsihan sa mga mabdos gikan sa 21 ka mga barangay ang kalihukan, diin gipasiugdahan ang “Gandang Buntis 2025” ug “Buntis Got Talent 2025” isip highlight nga nagpasiugda sa ilang talento, kaisog, ug kumpiyansa alang sa mas himsog nga komunidad.(JENIFFER JR. DELICA)
Source/Photo Courtesy: Dipolog City Government