Mipang apod-apod ug food packs ang mga personahe sa City Social Welfare and Development Office (CSWDO) ngadto sa mga residente sa Purok Ramos Village, Barangay Sta. Filomena, nga naapektuhan sa kusog nga storm surge ug taas nga balod nga gidala sa Bagyong Uwan, kaniadtong Nobyembre 13, 2025.
Ang maong inisyatiba tipik sa padayon nga paningkamot sa City Government sa paghatag ug dali nga tabang sa mga komunidad nga hilabihan ang naapektohan human sa pag-agi sa bagyo. Gituohan nga pinaagi sa paghatud sa relief assistance, mas mapagaan ang kahimtang sa mga residente samtang nagpadayon ang pag-assess sa dugang pang panginahanglanon sa lugar.
Nagpabilin usab ang pag-ila sa CSWDO ug sa lokal nga pangagamhanan sa Dipolog sa ilang katungdanan sa pagserbisyo ug pagtabang sa mga katawhan ilabi na panahon sa emerhensya ug kalamidad, aron masiguro nga walay pamilya nga mabyaan sa proseso sa pagbangon.(IKEN B. GULLEM)
Source: Dipolog City Government