Gipasiugda sa Municipal Government of Labason ang kahinungdanon sa breastfeeding alang sa kahimsog ug nutrisyon sa mga inahan ug ilang mga anak atol sa culmination activity sa 2026 National Breastfeeding Awareness Month,nga gipahigayon niadtong Septiyembre 8,2026.
Gipasiugda sa kalihokan ang padayong pagdasig sa mga inahan nga hatagan og hustong pagtagad ang breastfeeding isip kabahin sa pagpanalipod sa kahimsog ug maayong nutrisyon sa mga bata.
Gipasalamatan ang mga Barangay Nutrition Scholars (BNS) sa ilang padayong pag-alagad sa mga barangay, ilabi na sa kampanya batok sa malnutrisyon ug pagpalambo sa hustong nutrisyon sa komunidad.
Sa samang higayon,usa ka pag ila usab ang gihatag sa Municipal Nutrition Action Office (MNAO) ubos sa pagpangulo ni Ma’am Judie Faeldin ug sa iyang mga kawani tungod sa ilang mga programa alang sa nutrisyon ug kaayohan sa mga Labasonon.
Samtang, gipasalamatan sa lokal nga panggamhanan si Mayor Jelster Ed T. “Jed” Quimbo tungod sa padayong suporta sa mga programa nga nagtumong sa pagpalambo sa kahimsog, nutrisyon ug kaayohan sa mga pamilya sa Labason.
Gipunting sa LGU nga ang panaghiusa sa mga health workers,BNS,lokal nga panggamhanan ug mga ginikanan importante aron mapadayon ang pagpalambo sa kahimsog ug kaugmaon sa matag bata.(MEDALYN U. BORJA)
Source: Kusog Quimbo