Ang Box culvert nga gi- groundbreaking kaniadtong nakalabay’ng buwan sa Agusto 2024 didto sa Barangay Batayan sakop sa lungsod sa Kalawit, Zamboanga del Norte gisugdan na karon sa pagtrabaho sa kagamhanang probinsyal ilawom sa administrasyon ni Governor Rosalina “Nanay Nene” Jalosjos.
Ang pagtrabaho sa nasangpit nga proyekto nagpamatood lamang kini nga sinsero ang probinsya sa paghimo ug proyekto nga pang-infrastraktura atobangan sa pagponay ug pangyubit sa ka-atbang sa gobernador sa politika nga taman ra matud pa nila sa groundbreaking ug dili mobarog ang proyekto.
Kahinumduman nga si 3rd district Congressman Ian Amatong kinsa ka-atbang sa politika sa gobernador gisigehan na karon ug paningil sa mga lungsod nga sakop sa iyang distrito nga iyang gisaaran kaniadto nga hatagan ug proyekto human nga modaug siya kauban sa iyang grupo sa nakalabay nga piniliay sa tuig 2022 apan hantod karon wala gihapon kini mahatag sa ilaha.Diin gilauman kini sa tibuok tersyero distrito ang mga napakyas nga saad. (Angelica T. Obina)
(Source: Banat Mindanao)