Miapil ang mga personnel sa Bureau of Fire Protection-Zamboanga del Norte sa Hazardous Materials o HAZMAT Operational Level Training nga gipahigayon gikan September 21 hangtod 26, 2026 sa MDRRMO-EOC Conference Hall, Molave, Zamboanga del Sur.
Gipangulohan sa FSUPT Richard C. Timosa, DSC, Acting Provincial Fire Marshal, ang BFP ZDN samtang miapil ang mga piniling personnel gikan sa BFP ZDN Special Rescue Force o SRF sa maong pagbansay.
Lakip sa mga partisipante sila FSINSP Dave C. Dela Cruz, SFO1 John Michael S. Bastasa, FO3 Al Francis S. Jalosjos, FO3 John Michael M. Galeos, FO3 Joseph R. Tao, FO2 John P. Russiana, FO2 Marianne Mae R. Paulite ug FO1 Harold T. Navalta.
Tumong sa training nga mapalambo ang kahibalo, kahanas ug operational readiness sa mga responders sa pag-atubang sa mga insidente nga nalambigit sa hazardous materials. Pinaagi niini, gipalig-on ang kapasidad sa BFP Zamboanga del Norte sa pagpanalipod sa kinabuhi, kabtangan ug kinaiyahan.(JENIFFER JR. DELICA)
Source: BFP R9 Zamboanga del Norte