Isip pakig-ambit sa ika-34 nga anibersaryo sa Bureau of Fire Protection (BFP), ang mga personahe sa Sibuco Municipal Fire Station (MFS) misalmot sa usa ka Road Clearing Operations nga gipahigayon sa Barangay Jatian, Sibuco, Zamboanga del Norte niadtong Agosto 11, 2025.
Ang maong kalihokan gi-organisar sa Department of the Interior and Local Government (DILG) Sibuco, kauban ang mga opisyal sa Philippine National Police (PNP), mga kawani sa barangay, ug uban pang pwersa sa seguridad. Ang BFP-Sibuco, ubos sa pamuno ni SFO4 Rey M. Timtim, nagpasiugda sa ilang aktibong pag-apil aron masiguro ang kaluwasan ug kahapsay sa komunidad.
Pinaagi sa ilang kooperasyon, gipakita sa tanang mga partisipante ang ilang pagkahiusa ug determinasyon nga mapalig-on ang seguridad ug mahatagan ug hapsay nga dalan ang mga residente sa Barangay Jatian.(Jumalisa Papa)
Source: BFP 9 Sibuco MFS