Naglunsad og “Nourishing Hope on Wheels” nga outreach activity ang Bureau of Fire Protection Region IX kauban ang City Social Welfare and Development Office isip kabahin sa selebrasyon sa Fire Prevention Month niadtong Marso 12. Gihimo ang kalihokan sa Balangasan Covered Court sa Dipolog City.
Gipangunahan sa mga bombero ang pagpanghatag og school bags nga adunay snacks, powdered milk, vitamins, ug utensils alang sa mga kabataan ug pamilya sa komunidad.
Sa kinatibuk-an, 100 ka benepisyaryo ang nakadawat sa maong tabang aron suportahan ang ilang panginahanglan ug mapalig-on ang pag-atiman sa komunidad.
Sumala sa Bureau of Fire Protection, padayon ang ilang mga programa nga dili lamang nagpunting sa fire safety kundili usab sa humanitarian ug community support activities.(JENIFFER JR. DELICA)
Source: Bureau of Fire Protection Region IX