Nakapalit og bag-ong rope rescue equipment ang Bureau of Fire Protection Katipunan Municipal Fire Station niadtong Enero 8, 2026, ubos sa pagpangulohan ni Fire Inspector Richard A. Parame, Acting Municipal Fire Marshal, gamit ang pondo gikan sa Annual Peace and Order and Public Safety Fund sa tuig 2025.
Lakip sa napalit nga rescue equipment ang walo ka steel carabiners, tulo ka rescue eight rings, duha ka rescue pulleys, ug usa ka 200-metro nga laid braided rope nga gilaraw alang sa heavy-duty rescue operations. Ang maong kagamitan gilauman nga makatabang sa mas episyente ug luwas nga pag-responde sa mga emerhensiya.
Nagpasalamat ang BFP Katipunan Municipal Fire Station sa Local Government Unit sa Katipunan sa padayon nga suporta, nga dako og tabang sa pagpalig-on sa rescue capability ug kahandam sa estasyon sa pagserbisyo sa komunidad.(JENIFFER JR. DELICA)