Gipahigayon sa Katipunan Municipal Fire Station ang Exit Drill in the Home o EDITH ug lecture-demonstration sa hustong paggamit sa fire extinguisher sa Emma Tagbac Boarding House, Barangay Dos, Katipunan, Zamboanga del Norte alas 3:00 sa hapon niadtong Agosto 16.
Gipangulohan nila FO2 Mark James B. Ydayan ug FO2 Junrel V. Villarin ang maong kalihukan aron mahatagan og kahibalo ang mga residente sa hustong evacuation procedures ug tukmang paggamit sa fire extinguisher panahon sa sunog.
Pinaagi sa drill ug demonstration, gihatagan og higayon ang mga residente nga masabtan ug mapraktis ang mga pamaagi sa pagresponde sa sunog, ilabina ang hustong paggawas sa lugar ug paggamit sa fire extinguisher.
Gitumong sa maong fire safety activity nga mapalambo ang kahandaan sa mga residente sa pag-atubang sa fire emergencies ug mapalig-on ang ilang kahibalo sa pagpugong ug pagresponde sa sunog.(JENIFFER JR. DELICA)
Source: BFP R9 Katipunan Fire Station