Nakadawat og Push-to-Talk over Cellular (PoC) device ang Katipunan Municipal Fire Station isip kabahin sa pilot implementation aron mapalambo ang komunikasyon atol sa Fire Safety Inspection activities.
Ubos sa pagpangulo ni FINSP Richard A. Parame, Acting Municipal Fire Marshal, ang bag-ong teknolohiya magpalig-on sa real-time coordination, mas tukma nga dokumentasyon, ug mas episyenteng pagpatuman sa inspection operations, subay sa digital transformation initiatives sa Bureau of Fire Protection.
Giawhag ang mga tag-iya ug administrador sa mga establisemento nga makigtambayayong pinaagi sa pagtugot sa pagrekord sa inspection activities aron masiguro ang transparency, accountability, ug integridad, samtang gipamatud-an sa BFP Katipunan ang ilang kahandaan sa hingpit nga pagpatuman sa Fire Safety Inspection System pinasukad sa national fire safety standards.(JENIFFER JR. DELICA)
Source: BFP R9 Katipunan Fire Station