Miresponde dayon ang Bureau of Fire Protection Dipolog City Fire Station, ubos sa pagpanguna ni FSINSP APRILYN B BARBASO, human miulbo ang sunog sa usa ka storage area sa Purok Green Village, Barangay Sta. Filomena niadtong Enero 26, 2026 alas dos sa hapon.
Duha ka fire truck ug usa ka BFP ambulance ang gilusad sa lugar, ug miabot ang mga bombero alas 2:06 sa hapon. Ang sunog nga miigo sa storage structure napalong sulod sa gamay lang nga oras.
Gideklarar ang fire out mga alas 2:26 sa hapon ni Fire Officer 3 John Beta M Balanay, Ground Commander. Swerte usab kay walay naiulat nga namatay o nasamdan sa insidente.(JENIFFER JR. DELICA)
Source: BFP R9 Dipolog City Fire Station