Mipahimangno ang Dipolog City Fire Station sa tanang ginikanan ug tigbantay nga pahimuslan ang Measles–Rubella Supplemental Immunization Activity alang sa mga batang edad unom hangtod 59 ka bulan. Tumong sa kalihokan ang pagpugong sa pagsaka sa kaso sa measles ug rubella pinaagi sa tukmang bakuna.
Ang measles ug rubella mga sakit nga dali malikayan kung mabakunahan sa hustong panahon. Ang libre, luwas, ug epektibong bakuna dili lang panalipod sa bata kundili usab sa tibuok komunidad batok sa posibleng outbreak.
Giawhag ang tanang ginikanan nga makigbahin ug suportahan ang programa isip responsableng lakang sa pag-atiman sa kahimsog sa kabataan. Ang protektadong bata nagpasabot ug mas lig-on ug mas luwas nga komunidad.(JENIFFER JR. DELICA)
Source: BFP R9 Dipolog City Fire Station