Misalmot ang mga personahe sa Dapitan City Fire Station, ubos sa pagpangulo ni Acting City Fire Marshal FSINSP Aprilyn B Barbazo, sa gipahigayon nga Fire Square Roadshow ug Fire Drill sa Vallecer Minimart, Barangay Sta. Cruz, Dapitan City niadtong Hulyo 30, 2025.
Tumong sa maong kalihokan ang pagpataas sa kahibalo ug kaandam sa publiko batok sa sunog, pinaagi sa pagpahigayon og aktwal nga demonstrasyon sa husto nga paggamit sa fire extinguisher ug sa mga paagi sa pagresponde sa emerhensya.
Gilangkuban ang aktibidad sa lecture ug hands-on demonstration nga giabagan sa mga bumbero, diin aktibong mipartisipar ang mga empleyado sa minimart. Gipasiugda usab ang importansya sa preventive measures aron malikayan ang peligro sa sunog.
Ang kalihokan kabahin sa nagpadayon nga kampanya sa Bureau of Fire Protection nga “Oplan Ligtas na Pamayanan,” nga nagtinguha sa pagpabakod sa kahibalo ug kahimtang sa kaluwasan sa matag komunidad.(Jumalisa Papa)
Source: BFP R9 Dapitan City Fire Station