Madasigon si Ms. Beverly “Baby” Pumicpic Labadlabad nga taga Misoc Sindangan Zamboanga del Norte kinsa mudagan pagka-Board Member sa Segundo Distrito tungod kay nakita mismo niya nga si Governor Rosalina “Nanay Nene” G. Jalosjos walay board member nga mi alalay, gumikan dili makaya sa gobernadora nga si Nanay Nene nga duphan ang proyekto ug nakita usab ni Baby Labadlabad atol sa iyang paglibot-suroy sa 21 ka barangay sa dakbayan sa Dipolog nga kulang gayod ug pagtagad ilabi na sa panginabuhian lakip na sa 2nd district ning lalawigan.
Isa sa napanglantawan niya ang proyekto ilabi na mga mulo sa matag Brgy nga gihangyo sa probinsya nga walay gigahin nga budget ug wala pa matod pa’y aksyon nga dugay na nga gi-request ni Governor Jalosjos sa Sangguniang Panglalawigan (SP) alang sa katawhan. Lakip sa gisubay niya mao ang lungsod sa Siayan, Zamboanga del Norte nga usa sa pinaka-pobre nga munisipalidad ning lalawigan.
Matud pa kaniya nga mas hatagan gayud ug pagtagad ang mga kalsada nga dili maagian og sakyanan diin wala pa gayod suga ang tulay ug duha ka suba, duha ka sapa nga kinahanglan nga matutukan ug matagaan ug pagtagad.
Dugang pa niya nga ginalantaw niya kung unsa ang angay nga panginabuhian sa ilang Brgy ug unsay produkto sa ilang brgy aron mas mulambo pa ang Brgy, busa gisubay ni Baby ang 196 Brgy sa entiro Segundo Distrito nga angay niyang suruyon ang matag Brgy.nga mahimamat ug duawon gumikan ginalantaw niya kung unsay angay buhaton, unsaon pagtabang o pagserbisyo sa katawhan ilabi na masubay ug matagaan og pagtagad ang matag yangongo sa segondo distrito ning lalawigan.
Tumong ug tinguha usab niya nga adunay daghang investment sa 2nd district gumikan kung ubay-ubay ang investment ug maduol ang mga investor gumikan ang negosyo ni Beverly mao ang factory sa plastic wear. Diin usa sa plano niya ang pundasyon ug nanghinaot kini nga ma-open dinhi sa dakbayan sa Dipolog aron makatabang sa katawhan lakip na sa entiro segondo distrito aron wala na’y maglisod ug wala na’y manglanyaw sa gawas nasud ug sa kaulohan gumikan nabati niya kung unsa kalisod nga walay trabaho.
Sa panapos nga pamahayag usa sa nadasig si Beverly sa iyang mga lakaw padulong sa kabukiran aron sa pagtabang ilabi na nga sagubangon gayod ang Siayan ning lalawigan bisan tuod grabi nga mga pagsulay nga iyang natagamtaman sa naasoy’ng lugar apan wala siya nagpakaluya. Dugang pa niya nga samtang buhi pa siya sa kalibutana, kinahanglan nga tabangan niya ang katawhan, padayon gihapon siya nga nagturn-over og office table ug mga bangko, mga cabinet sa matag Brgy, bisan tuod adunay pipila ka Brgy nga wala midawat sa tabang proyekto gumikan sa pulitika o laing partido ug kini gisabot gihapon ni Beverly gumikan mga pagsulay lamang kini kaniya ug iyang gipaningkamutan nga matunol sa 21 ka brgy ning dakbayan nga dili magpakaluya ug mas maningkamot pa kini alang sa kaayuhan sa katawhan gumikan ang iyang tumong ug tuyo nga pangpubliko nga facility nga paghatag sa ginagmay nga tabang o proyekto ngadto sa matag Brgy , subay sa iyang panultihon MISYON KO TINUOD NGA SERBISYO. (Angelica T. Obina)
(Source: KASIKAS)