TAMPILISAN, Zamboanga del Norte — Malampusong gipatuman ang Basic Incident Command System (ICS) 1 Training Course niadtong nilabay nga adlaw sa Municipal Conference Room sa Tampilisan.
Ang tulo ka adlaw nga pagbansay nagpalig-on sa koordinasyon, komunikasyon, ug emergency response capabilities sa mga partisipante gikan sa LDRRMOs, DepEd, LGU offices, National Government Agencies, ug CSOs. Gihatagan sila og batakang kahibalo sa Incident Command System framework aron mas epektibong makatubag sa mga emerhensiya ug kalamidad.
Gipasiugda sa mga facilitators gikan sa Office of Civil Defense Region IX, Dipolog City CDRRMO, ug LDRRMO Liloy ang kahinungdanon sa organisado ug sistematikong pagdumala sa insidente isip pundasyon sa lig-on nga komunidad.
Ang aktibong partisipasyon ug panaghiusa sa mga trainees nagpakita sa ilang kahandam sa pagdumala ug pagtubag sa mga sitwasyon sa emerhensiya sa ilang tagsa-tagsa ka lugar.(JENIFFER JR. DELICA)
Source: LDRRMO Tampilisan