Gipailawom sa usa ka Skills Enhancement Training ang mga tanod gikan sa Barangay Dos nga gipahigayon sa Session Hall, Barangay Dos, Katipunan, Zamboanga del Norte ,niadtong Nobyembre 7,2025.
Ang maong training gihimo ubos sa pagdumala ni PCPT ROMMEL JOHN B SABAS-Officer-In-Charge, pinaagi ni PCpl Rey Christian P Lilic-MCAD Clerk inubanan sa hugot nga koordinasyon sa mga opisyal sa Barangay Dos nga gipangulohan ni Hon. Malcolm Ballares-Barangay Chairperson kinsa mao ang nagsilbi nga guest lecturer atol sa Skills Enhancement Training for Barangay Tanods.
Alayon niini nga pagbansay-bansay mao ang mapalig-on ang kapabilidad sa mga Barangay tanod nga mapatunhay ang kalinaw pinaagi sa ilang kahusayan sa pagpanalipod sa komunidad.
Dugang pa kini nagtumong sa pagpalambo sa ilang kaalam,kahanas,kahibalo pinaagi sa ilang pasalig sa pagbuhat sa ilang tahas isip kauban sa pagpatuman sa balaod kinsa epektibo usab nga mo koordinar panahon sa pagpakgang sa krimen, pagdumala sa trapiko, ug pagtubag sa emerhensya.
Gipasiugda niini nga pagbansay-bansay usab ngadto sa mga Tanod, ang desiplina ug propesyonalismo, nga sila hingpit nga motuman sa ilang mga responsibilidad sa episyente ug subay sa balaod sa pagserbisyo sa ilang mga konstituwente ug mas lawom nga pagsabot sa legal nga mga pamaagi ug tawhanong katungod.(MEDALYN U. BORJA)
Source: KATIPUNAN MPS ZNPPO