Pormal nang giturn-over sa Barangay Council of Taguilon ang P300,000 nga solar street-light package ngadto sa Taguilon National High School niadtong Agosto 6, 2026.
Gipangunahan ni Punong Barangay Elmer S. Yongco, Sr. ang turnover ceremony diin pormal niyang gitugyan ang proyekto ngadto kang School Principal Genevieve S. Adiong isip representante sa eskwelahan.
Ang turnover nagtumong sa pagpalig-on sa suporta sa barangay ngadto sa Taguilon NHS, ilabi na sa pagpaayo sa campus lighting ug seguridad sa palibot sa eskwelahan.
Mitambong usab sa maong kalihokan ang mga representante sa Schools Division Office ubos sa pagpangulo ni Schools Division Superintendent Dr. Jay S. Montealto, CESO V, lakip sila Education Program Specialist Rene D. Acabal ug Project Development Officer Jonathan D. Reluya.
Gilauman nga ang solar street lights makatabang sa paghatag og mas hayag ug luwas nga campus environment alang sa mga estudyante, faculty ug uban pang personnel sa Taguilon NHS.
Kini nga turnover nagtimaan sa panagtinabangay sa Barangay Council of Taguilon ug sa eskwelahan sa paghatag og mga pasilidad nga makatabang sa kaluwasan ug kaayohan sa school community.(IKEN B. GULLEM)
Source: DepEd Tayo-Division of Dapitan City