Ang Barangay Sto. Niño nakaangkon sa mga libreng serbisyo ug programa ni Mayor Bullet Jalosjos, pinaagi sa Team Serbisyo Bilis sa Barangay (SBB), niadtong Pebrero 28, 2025. Diin adunay 162 matag usa ang mipailalom sa medical consultation ug nakadawat sa mga libreng tambal ug bitamina, sa dental services 22 ka tawo, 37 sa libreng pagpanuli, nga gipahigayon sa City Health Office ug mga personahe.
Nakadawat ang 406 ka mga pamilya ug tag 5 kilos bugas, 100 ka mga bata nakaangkon ug libreng pares sa tsinelas, 200 cups sa champorado alang sa mass feeding ug 1 ka quad cane alang sa senior citizen, ubos sa pagdumala sa buhatan sa CSWDO.
Ang Civil Registrar Office adunay 8 ka tawo ang nakapahigayon sa late registration ug 10 sa released sa owner’s copy sa birth certificate.
Ang buhatan sa City Agriculture Office nanghatag usab ngadto sa 347 ka mga mag-uuma sa 80 packs inorganic fertilizer, 198 packs vegetables seeds ug seedlings, ug 69 packs livestock vitamins.
Dugang pa ang City Veterinary Office gapahigayon usab sa pagpamakuna sa 108 ka mga buhing iro ug 15 ka mga iring. Gahatag usab ug purga alang sa 732 ka mga manok, 10 ka baka ug 2 ka kabaw. Bitamina ug treatment alang sa 732 ka mga manok.
Si Barangay Kapitan Crisologo R. Jumuad ug mga katawhan, mipaabot ug dakung pasalamat ngadto kang Mayor Bullet Jalosjos uban sa mga opisyales sa kagamhanang lokal ning dakbayan, sa paghatag kanila ug dakung pagtagad ug kahigayunan nga makatagamtam niining bulawanong paghatud sa serbisyo sa SBB program, ug pagtanyag sa nagkadaiyang libreng serbisyo sa katawhan sa ilang barangay ingon man sa katawhan niini. (Angelica T. Obina)
(Source: Dapitan City Government)