Usa ka sunog ang miigo sa Sitio Ihawan, Barangay Mantuyong, Mandaue City niadtong Lunes, Marso 3, 2025, nga misunog sa dili menos 60 ka mga balay.
Ang Mandaue City Fire Station mibutyag nga walay kinabuhi nga nakalas o naangol sa maong insidente. Nadawat sa Mandaue City Fire Station ang alarma sa sunog alas 2:56 sa hapon, miabot sa ikaduhang alarma, ug hingpit nga napawong alas 4:42 sa hapon.
Labing menos 500 ka mga tawo ang naapektuhan sa maong sunog ug P750, OOO ang danyos. Sila gipapuyo temporaryo sa gym sa Barangay Mantuyong samtang nagpaabot og dugang nga ayuda.
Ang mga awtoridad nagpadayon sa ilang imbestigasyon aron masuta ang hinungdan sa sunog ug aron mapugngan ang susamang mga insidente sa umaabot. Usa sa ilang gisubay karon ang electrical faulty wiring o pagbuto sa butane canister. (Renante Socia Lada)