Mobalor sa kapin P3,000 nga kantidad sa smuggled nga sigarilyo ang malampusong nakumpiska sa mga personahe sa kapulisan gikan sa usa ka suspek atol sa gipatoman nga operasyon mga ala 1:40 ang takna sa hapon niadtong Hunyo 14, 2026, didto sa Labason, Zamboanga del Norte
Ang maong suspek kinsa nasikop ug nakumpiskahan sa kapulisan ug duha (2) ka ream sa Alpha cigarette ug usa (1) ka ream sa New Berlin nga sigarilyo nga nagkantidad og P3,438.00.
Ang pagkadakop sa suspek ug pagkakumpiska sa mga smuggled nga sigarilyo gihimo pinaagi sa mga personahe sa Labason MPS ug LGU Labason tungod sa paglapas sa Municipal Ordinance No. 175, Series of 2015.
Ang mga nakumpiska nga kontrabando gidala ngadto sa estasyon sa pulis, samtang ang dinakpan gibuhian homan mabayran ang multa nga P500 ngadto sa Municipal Treasurer’s Office.
Kining malampusong operasyon nagpakita sa wlay hunong nga dedikasyon sa atong mga personahe sa pagwagtang ilegal nga mga kalihokan ug pagpanalipod sa atong komunidad.(MEDALYN U. BORJA)
Source: PNP Labason MPS ZNPPO