Malampusong nakumpiskar sa mga personahe sa Labason Municipal Police Station (MPS) sa gihimong intelligence-driven operation ang mobalor sa Php 11,460 nga kantidad sa mga smuggled nga sigarilyo ug pagkasikop sa 43-anyos nga suspek mga alas 8:25 ang takna sa kagabhion,Hunyo 17,2025,didto sa Purok 1. Barangay La Union, Labason, Zamboanga del Norte.
Ang suspek naila sa ngalan nga Mr.Mabale, 43-anyos nga lalaki , minyo, ug residente sa susamang dapit, kinsa nasakpan nga nagbaligya og dili dokumentado/smuggled nga mga sigarilyo.
Atol sa operasyon, nakumpiska ang napulo ka ream sa smuggled cigarettes , partikular ang upat ka ream sa New Berlin pula, tulo ka ream sa Cannon cigarettes, ug tulo ka ream sa New Far cigarettes, nga mokabat sa gibana-bana nga market value nga Php 11,460 nga presyo base sa Bureau of Customs ug mukantidad sa 1,146.00 kada ream.
Kini nga pagdakop usa ka paglapas sa Republic Act 10643, nga nailhan usab nga “An Act Increasing the Penalties for Illegal Selling, Possession, and Transport of Unstamped or Falsely Stamped Cigarettes.”
Ang dinakpan gipahibalo sa iyang mga katungod sa konstitusyon ug gidala sa Labason MPS, kauban ang mga nakumpiska nga dili dokumentado/smuggled nga sigarilyo, para sa dokumentasyon ug pagpasaka og kaso sa paglapas sa RA 10643.(Medalyn U. Borja)
Source: ZNPPO