Balor sa kapin P10,000 ka pesos nga kantidad sa gituohang shabu ang nasabat sa mga personahe sa kapulisan gikan sa usa ka babaye atol sa hiniusang drug buy-bust operation mga ala 1:53 sa kaadlawon niadtong Septiyembre 4, 2026, didto sa San Jose, Barangay Baybay, Liloy, Zamboanga del Norte.
Ang maong babaye kinsa nasakmitan sa nasangpit nga gituohang shabu naila nga usa ka 38 anyos nga usa ka bag-ong nailhan nga drug personality, gidakop pinaagi sa mga personahe sa Liloy Municipal Police Station – Municipal Drug Enforcement Team (Liloy MPS-MDET), isip lead unit, uban sa Regional Drug Enforcement Unit 9 (RDEU 9) ug sa 905th Maneuver Company, Regional Mobile Force Battalion 9 (905th MC, RMFB 9),kalabot sa SACLEO Operation.
Atol sa operasyon nakuha gikan sa dinakpan ang lima ka heat-sealed transparent plastic sachets nga adunay sulod nga puti nga crystalline substance nga gituohang shabu, uban sa usa ka P500 nga kwarta nga gigamit isip buy-bust money, usa ka aluminum foil, usa ka cellphone case nga giingong gigamit isip sudlanan, ug usa ka cellular phone.
Ang nakumpiska nga gituohang ilegal nga droga adunay kinatibuk-ang gibug-aton nga gibana-bana nga 1.5 gramos, nga adunay gibanabana nga presyo nga P10,200.00.
Ang mga nakumpiska nga droga ibalik sa Zamboanga del Norte Provincial Forensic Unit (ZNPFU), Liloy Satellite Office, alang sa laboratory examination.
Samtang ang nadakpan nga suspek gidala sa Liloy District Hospital alang sa medical ug physical examination ug karon anaa na sa kustodiya sa Liloy MPS alang sa hustong disposisyon ug angay nga legal nga proseso.(MEDALYN U. BORJA)
Source: ZNPPO