Nagpakita ug lig-on nga panaghiusa ang National Irrigation Administration Region IX Regional Federation of Irrigators’ Associations (NIA IX-RFIA) human masunog ang balay sa Federation President nga si Danilo Halike kaniadtong Disyembre 6, 2025, hinungdan nga dako ang nadaut ug nawala sa pamilya, maong dali silang gitabangan sa mga irrigators’ associations ug sa NIA.
Ang RFIA mitabang pinaagi sa pinansyal nga tabang aron mapalit ang materyales para sa pagrekonstruksiyon sa balay sa pamilya Halike.
Samtang, nanguna ang NIA Regional Office IX sa paghatod sa mga materyales, aron masiguro nga kini makaabot dayon ug luwas sa pamilya.
Dugang tabang pinansyal mitunol usab ang National Confederation of Irrigators’ Associations, Inc. (NCIA), samtang misuporta sab ang NIA Region VII RFIA, nga nagpalig-on pa sa kolektibong pagpakabana.
Bisan taliwala sa dakong kasubo, nagbarug ang NIA ug mga kaabag niini aron suportahan si Halike ug iyang pamilya, usa ka tin-aw nga pahimangno nga ang tinuod nga espiritu sa Pasko makita sa pagtabangay, pagdasig, ug paghatag kahayag sa mga panahon sa kasulbaran.(IKEN B. GULLEM)
SOURCE: NIA ZAMBOANGA PENINSULA