PIÑAN ZDN– Nanawagan ang Department of Health sa tanang ginikanan sa lungsod sa Piñan nga ipa-bakuna ang ilang mga kabataan batok tipdas ug rubella atol sa Ligtas Tigdas Measles–Rubella Supplemental Immunization Activity nga ipahigayon gikan Enero 19 hangtod Pebrero 13, 2026.
Libre, luwas, ug epektibo ang bakuna alang sa mga bata nga 6 ka bulan hangtod ubos sa 5 ka tuig. Gitumong sa programa ang pagpugong sa pagsaka sa kaso sa tipdas ug rubella ug ang pagpanalipod sa kahimsog sa mga kabataan sa komunidad.
Giawhag ang tanang ginikanan ug tigbantay nga dal-on ang ilang mga bata sa barangay health station o health center aron makadawat sa bakuna. Ang kalihokan gipahibalo pinaagi sa Municipality of Piñan, isip kabahin sa paningkamot sa gobyerno sa pagpanalipod sa kahimsog sa katawhan.(JENIFFER JR. DELICA)
Source: Mayor Rommel Gudmalin