Gidala sa Baile Filipina Dance Guild Inc. ang garbo sa Pāgsalabuk Festival sa Dipolog City atol sa Perangat Festival 2025, diin ilang gipakita ang kadasig, disiplina, ug kaanyag sa sayaw nga nagpasabot sa kultura sa mga Dipolognon, nga gipahigayon sa Oroquieta City, Misamis Occidental.
Bisan pa man nga wala nila nakuha ang major nga pasidungog, nakadaog sila sa 1st Place Cleanest Billeting Quarter Award, usa ka timaan sa ilang pagkahiusa, pagrespeto, ug matinud-anong kinaiya isip mga representante sa siyudad.
Gipasidunggan sila sa lokal nga pangagamhanan sa Dipolog City alang sa ilang dedikasyon ug maayo nga pagrepresentar sa Pāgsalabuk Festival, nga naghatag ug dungog ug inspirasyon sa mga Dipolognon.
Matud pa sa mensahe sa suporta, bisan unsang kalampusan, dako man o gamay, mahimong usa ka kadaugan kung kini gibuhat uban sa kasingkasing ug pagkahumble.
Ang Baile Filipina Dance Guild Inc. nagpamatuod nga ang espiritu sa Pāgsalabuk Festival buhi ug nagpadayon bisan sa gawas sa siyudad.(IKEN B. GULLEM)
Source: Dipolog Tourism