Malipayon nga nagpasalamat ang mga miyembro sa Bag-ong Tangub Farmers Association sa pamunuan ni G. Renato ‘Dodo’ Engcoy sa administrasyon ni Gobernador Rosalina ‘Nanay Nene’ Jalosjos human makadawat sa tag 5 ka kilo nga bugas, niadtong Mayo 30 ning tuiga, sa Barangay New Tangub, Sergio Osmeña, Zamboanga del Norte.
Dako ang kalipay sa maong mga mag-uuma kay matud pa nila karon pa lang nila nadawat ang hinabang gikan sa probinsiya.
Kahibaloan, ang Bag-ong Tangub Farmers Association, adunay 55 ka miyembro, kinsa mi-avail sa Zamboanga del Norte Agricultural ZNAg Extension Program sa Office of the Provincial Farmer (OPAg) ubos sa pagpangulo ni Provincial Agriculturist Ms. Maybel Bustaliño, kauban ang uban ni G. Robert Jumamil-District Coordinator ug Jeanrey Gumela – Agriculture Technician.
Kini nga asosasyon nagtikad ug communal farm sa bakanteng 2 ka ektarya nga yuta sa nasangpit nga barangay.
(Source: Provincial Information Center ZaNorte Facebook page)