Giturn-over ang bag-ong gisementohang dalan sa Tiglawaan, Barangay Lingasad, Polanco aron mapalambo ang transportasyon ug masiguro ang luwas ug sayon nga pag-agi sa mga residente.
Sumala sa Local Government Unit sa Polanco, ang proyekto nahimong posible pinaagi sa suporta ni First District Representative Roberto “PinPin” Uy Jr., samtang gipatuman kini sa Department of Public Works and Highways.
Gilauman nga ang bag-ong dalan makapadali sa pagbiyahe sa mga residente ug makatabang sa pagpalambo sa panginabuhian ug uban pang kalihokan sa maong barangay.
Padayon nga gipalig-on sa lokal nga panggamhanan ang pagpatuman sa mga proyekto sa imprastraktura aron mapauswag ang serbisyo ug kalidad sa kinabuhi sa mga Polancohanon.(JENIFFER JR. DELICA)
Source: Mayor Ying Uy