Giinspeksyon sa Department of Agrarian Reform (DAR) Zamboanga del Norte Inspectorate Team ang bag-ong four-wheel drive tractor nga ipailalom sa 2026 Climate-Resilient Farm Productivity Support (CRFPS) aron masiguro nga nasunod niini ang gikinahanglang teknikal nga espesipikasyon sa dili pa itugyan sa benepisyaryong Agrarian Reform Beneficiary Organization (ARBO).
Gipangulohan ang inspeksyon ni PARPO II Daisy Dell Suan Digamon, kauban si PARPO I Engr. Alfonso A. Tan. Gisusi sa team ang kahimtang ug kalidad sa makinarya aron masiguro nga andam kini alang sa paggamit sa mga benepisyaryo.
Kabahin ang maong tractor sa programa sa DAR nga Provision of Gender-Responsive Agricultural Extension Services (AES) ug Farm Machinery and Equipment Support ubos sa Major Crop-Based Block Farm Productivity Enhancement (MCBFBE) program alang sa 2026.
Sumala sa DAR, ang maong interbensyon nagtumong sa pagpalig-on sa klima-resilient nga pamaagi sa pagpanguma pinaagi sa pagpausbaw sa kapasidad sa produksiyon sa humay, pagpasayon sa pag-andam sa umahan, ug pagpalambo sa malungtarong sistema sa agrikultura alang sa mga benepisyaryo sa agrarian reform sa lalawigan.(IKEN B. GULLEM)
Source: DAR Zamboanga del Norte Province