Opisyal nga gilusad sa Dapitan City ang bag-ong Dapitan Hymn nga “Dapitan, Bahandi nga Gasa” atol sa Flag Raising Ceremony sa unang Lunes sa 2026 nga gipahigayon sa Government Center.
Ang maong kanta maoy usa sa mga highlight sa kalihokan nga gipangulohan sa City Mayor’s Office ubos sa liderato ni Mayor Evelyn “Belen” T. Uy.
Ang hymno gisulat ni Mr. Germanico Malacat, usa ka kompositor ug edukador, ug gi-arrange ni Mr. Richard Samulde. Naglarawan kini sa Dapitan isip malinawon ug puno sa paglaum nga lungsod, ug nagpasiugda sa bili niini isip bahandi ug panulundon sa tanang Dapitanon.
Pinaagi sa paglusad sa bag-ong hymno, gipasigarbo sa kagamhanang lokal ang pagkahiusa, kultura, ug pagkahigugma sa lungsod samtang nag-atubang sa bag-ong tuig nga may bag-ong pananaon para sa Dapitan City.(IKEN B. GULLEM)
Source: City Government of Dapitan