Malampusong napahigayon ang pinagsamang miting sa Barangay Anti-Drug Abuse Council (BADAC) ug Barangay Peace and Order Council (BPOC) didto sa covered court sa Barangay Gatas, Kalawit, Zamboanga del Norte niadtong Agosto 22, 2025.
Mitambong sa maong kalihokan ang mga personahe sa Kalawit Municipal Police Station (MPS) nga gipangulohan ni PCPT Casmir N. Martinez, Officer-In-Charge, uban nila si PSMS Jeymor De Gracia (Supply PNCO), PSSg Josan Saldavia, ug Pat Gerryl May A. Contiveros (MCAD PNCO). Ang maong miting gipangulohan ni Hon. Richvel A. Pamunag, Barangay Kagawad sa Gatas.
Gipasiugda sa kapulisan ang importansya sa aktibong partisipasyon sa mga residente sa pagpugong ug pagsulbad sa krimen. Gidani usab ang mga lumulupyo nga ipahibalo dayon sa otoridad ang bisan unsang ilegal nga kalihokan, ilabi na ang may kalabotan sa droga ug kriminalidad.
Tumong sa maong miting aron mapalig-on ang kalinaw ug kahusay sa komunidad pinaagi sa aktibong kooperasyon sa barangay officials, kapulisan, ug mga residente. Gipasabot usab nga pinaagi sa lig-on nga liderato ug panaghiusa, mahimo nga makab-ot ang usa ka mas luwas ug malinawon nga barangay.(Jumalisa Papa)
Source: Kalawit Municipal Police Station