LEON B. POSTIGO, ZAMBOANGA DEL NORTE — Dali nga natambalan sa EMS personnel ang usa ka 13-anyos nga babaye nga misulod sa fire station dala ang samad sa tudlo human kini maigo sa bolo samtang nanglimpyo sa ilang tugkaran.
Gihatagan dayon siya og unang tabang sa Leon B. Postigo Municipal Fire Station, diin gilimpyohan ang samad ug gibutangan og sterile gauze aron mapugngan ang pagdugo ug malikayan ang impeksyon.
Human masiguro nga stable ang iyang kahimtangan, gitambagan ang pasyente nga magpa-check up sa Rural Health Unit alang sa dugang pagtambal, ug mipahawa sa estasyon nga kuyog ang iyang guardian.
Nagpakita ang maong insidente sa paspas ug andam nga pagresponde sa EMS personnel sa pag-atiman sa mga emerhensya sa komunidad.(JENNIFER JR. DELICA)
Source: BFP R9 Leon B. Postigo