Arestado sa hiniusang operasyon nga gihimo sa mga personahe sa kapulisan ang usa ka babaye tungod sa kasong pagpangawat,didto sa Barangay Olingan,ning dakbayan sa Dipolog, mga alas 11:50 ang takna sa buntag niadtong Septiyembre 22,2025.
Naila ang dinakpan nga si alyas “Marie” 36 anyos, babaye, minyo, walay trabaho, lumulupyo sa Barangay Suriga del Sur,kinsa gidakop pinaagi sa bisa sa Warrant of Arrest for Qualified Theft (RPC Art. 10), nga giisyu ni Hon. Jose Rene Gallemit Dondoyano, Presiding Judge sa Regional Trial Court, 9th Judicial Region, Branch 6, Dipolog City, pinetsahan og Septiyembre 22, 2025.
Ang pagkasikop gihimo mga personahe sa Dipolog City Police Station, uban sa WCPD personnel sa Dipolog CPS ug Roxas MPS.
Ang akusado gipahibalo sa hinungdan sa iyang pag-aresto ug katungod sa konstitusyon sa usa ka diyalekto nga hingpit niyang nasabtan ug anaa na kini karon sa kustodiya sa Dipolog CPS alang sa tukmang disposasyon.(Medalyn U. Borja)
Source: ZNPPO