Sikop sa gikasa nga joint law enforcement operation sa mga tinugyanan sa balaod ang usa ka 47 anyos nga suspek sa pagpangawat mga alas 12:20 ang takna sa kaudtuhon, Septiyembre 22,2025 didto sa Barangay Olingan, ning dakbayan sa Dipolog.
Ang maong dinakpan naila nga si “Eva” 47 anyos, babaye,minyo, walay trabaho ug residente sa Purok Parpagayo, Barangay Minaog, Dipolog Zamboanga del Norte.
Ang pagdakop gihimo pinaagi Dipolog City Police Station uban sa WCPD personnel sa Dipolog CPS ug Roxas MPS, pinasikad sa Warrant of Arrest for Qualified Theft (RPC Art. 10), nga giisyu ni Hon. Jose Rene Gallemit Dondoyano, Presiding Judge sa Regional Trial Court, 9th Judicial Region, Branch 6, Dipolog City, pinetsahan og Septiyembre 22, 2025, alang sa hinanaling pagsilbi sa sentensiya.
Ang suspek gipahibalo sa iyang mga katungod sa konstitusyon sa usa ka diyalekto nga hingpit niyang nasabtan anaa na karon kini sa kustodiya sa Dipolog City Police Station alang sa tukmang disposasyon.(Medalyn U. Borja)
Source: ZNPPO