30.9 C
Manila
Friday, March 29, 2024

Dipolog: Atty. Ang mipasaka karon ug electoral protest para mapahigayon ang judicial recount

- Advertisement -

Pormal nga gipasaka ni Atty. Ivan Patrick Ang, ang electoral protest batok kang Gerard “Beboy” Opulentisima para sa pagpahigayon ug judicial recount.

Visit RPN DXKD Dipolog

Sigun sa nahimong resulta sa eleksiyon sa lungsod sa Polanco ning lalawigan sa nakalabay nga Mayo 9 si Opulentisima giproklamar nga maoy ika walo nga mananaug sa pagka meyembro sa Sangguniang Bayan ug nagsunod kaniya si Atty. Ang nga nagdeperensiya lamang sa botos nga 38.

Si Atty. Ang sa iyang giduso nga protesta nagkanayon nga adunay nahitabong misreading, miscounting ug mi-appreciation sa mga balota pinaagi sa Vote Counting Machines.

Ang lungsod sa Polanco adunay 58 ka clustered precincts diin 25 niini ang gipailawom karon sa protesta.

Sa election protest nga gipasaka ni Atty. Ang iyang gisaysay nga ang Polanco nagbatun ug 32,253 ka rehistradong botante apan ang aktuwal nga nakabotar sa eleksiyon sa Mayo 9 anaa ra sa 26,336 ka botante samtang 2,080 ka balota ang giluwa sa vote counting machines.

Sa gipasaka ni Atty. Ang nga protesta gitumbok niini nga adunay daghang mga kahiwian, anomaliya ug iregularidad nga nahitabo sa adlaw sa eleksiyon sama sa pagpamalit ug botos ni Opulentisima sa tag usa ka gatus ngadto sa duha ka gatus ka pesos kada botante.

Si Atty. Ang sa iyang protesta midugang sa pag-aligar nga ang politikanhong grupo ni Opulentisima pipila ka adlaw sa wala pa ang eleksiyon nanghatag na ug lima ka libu ka pesos ngadto sa mga botante uban sa tugon nga dili siya pabotohan inubanan sa paghulga ug pagharas.

Kini midugang pa sa pagsaysay nga si Opulentisima wala gani magpahigayon ug siryosong pagpangampanya sa matag barangay sa Polanco sama sa mga rallies o kaha mag house to house nga kampanya.

Daku ang pagsalig ni Atty. Ang nga pinaagi sa manual counting sa  mga balota gikan sa mga presento nga gipailawom sa electoral protest mogawas ang matuod nga mananaug pagka meyembro sa Sangguniang Bayan sa Polanco.

Sa gipasakang electoral protest ni Atty. Ang adunay mga mitestigos nga sila personal nga nakasaksi ni Opulentisima uban sa inahan niini nga namalit ug botos sa pipila ka barangay sa Polanco.

(News & photo courtesy of Dipolog Balita Express Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -