Gipasiugda sa Department of Trade and Industry–Zamboanga del Norte (DTI-ZDN) ang talento ug produkto sa mga lokal nga negosyante pinaagi sa Artisans Alley Mini Trade Fair, nga opisyal nga giablihan niadtong Septiyembre 28, 2026, sa Dipolog Center Mall.
Gipundok sa trade fair ang mga micro, small and medium enterprises (MSMEs) sa probinsya aron ipakita ug ibaligya ang nagkadaiyang handicrafts, pagkaon ug non-food products, isip kabahin sa selebrasyon sa Philippine Creative Industries Month.
Sa opening ceremony, gipasiugda ni DTI-ZDN Provincial Director Estrella M. Roda, DTI-9 Assistant Regional Director Maridel D. Dengal, ug Dipolog City Councilor Kenny Ong ang importansya sa pagpalig-on sa lokal nga negosyo ug paghatag og mas daghang oportunidad sa mga homegrown entrepreneurs.
Nagpadayon ang Artisans Alley hangtod Septiyembre 30 sa dapit duol sa elevator area sa Dipolog Center Mall, diin giawhag ang publiko nga motan-aw, mopalit ug mosuporta sa mga produkto nga hinimo ug gihimo sa lokal nga mga MSME.(MEDALYN U. BORJA)
Source: DTI Zamboanga del Norte