Gibansay ang mga Agrarian Reform Beneficiaries Organizations (ARBOs) Zamboanga del Norte sa husto nga proseso sa rehistrasyon ug pag-aplay sa Certificate of Tax Exemption (CTE) pinaagi sa usa ka adlaw nga training nga gipahigayon sa Department of Agrarian Reform (DAR) ug sa Bureau of Internal Revenue (BIR).
Gipangulohan ni Provincial Agrarian Reform Program Officer II Daisy Dell Suan Digamon ang kalihokan, uban ni PARPO I Engr. Alfonso A. Tan, SARPO Christy P. Gonzales, ARPO I Runa Jane B. Sabac, ug ARPT Maureen Kaye T. Soropia.
Gitutokan sa maong pagbansay ang mga lagda sa BIR nga may kalabutan sa kooperatiba nga rehistrasyon ug mga polisiya sa tax exemption aron masiguro nga ang mga ARBOs makasunod sa balaod ug malikayan ang mga problema sa compliance.
Gipasabot usab ang kahinungdanon sa tukmang dokumentasyon ug pagproseso sa ilang aplikasyon alang sa CTE.(IKEN B. GULLEM)
Source: DAR Zambonorte