Nagpadayon ang paningkamot sa City Government of Dapitan sa pagpanalipod sa kahimsog sa katawhan ug kahayupan human gilusad sa City Veterinary Office (CVO) ang Anti-Rabies Mass Vaccination sa Brgy. Cawa-cawa, Dapitan City.
Pinangunahan ni City Veterinarian Dr. Roy Pagador, ang kalihokan nagtumong sa paghatag libreng bakuna sa mga iro ug iring sa barangay. Gitukod ang vaccination area sa barangay covered court samtang adunay house-to-house vaccination alang sa mga residente nga dili makabiyahe.
Sumala sa CVO, kabahin kini sa city-wide anti-rabies campaign nga naglangkob sa tanang 50 ka barangay sa Dapitan City. Tumong sa programa nga mapugngan ang pagkaylap sa rabies ug mapalambo ang responsable nga pag-atiman sa mga binuhi.
Gisuportahan ni Mayor Belen Uy ang maong programa isip dugay’ng panahong estratehiya sa lokal nga pangagamhanan aron mapahawan ang rabies sa dakbayan. Gidasig usab ang tanan nga moapil ug magtinabangay alang sa usa ka rabies-free nga komunidad.(IKEN B. GULLEM)
Source: City Government of Dapitan